Рекомендуем установить один из этих браузеров: Google Chrome, Opera, Mozilla Firefox, Apple Safari, Microsoft Edge

Вялікдзень у Сапоцкіне. 8 красавіка ў гарадскім пасёлку пройдзе свята пісанкі

Сапоцкінскі край здаўна славіўся майстрамі, якія выраблялі і па-асабліваму дэкарыравалі пісанкі. У 2013 годзе мясцовая традыцыя роспісу велікодных яек была ўключана ў Дзяржаўны спіс гісторыка-культурных каштоўнасцей як элемент нематэрыяльнай культурнай спадчыны. 

У гэтыя выхадныя традыцыйнае свята пісанкі разгарнецца ў гарадскім пасёлку. Каля Сапоцкінскага культурна-турыстычнага цэнтра з 14.00 да 17.00 будуць працаваць “Велікодны кірмаш”, забаўляльныя пляцоўкі. На “Вуліцы майстроў” тут пройдуць майстар-класы традыцыйных рамёстваў Гродзенскай вобласці. Падчас святкавання багаццем разнастайных вырабаў дэкаратыўна-прыкладной творчасці падзеляцца майстры аддзела этнаграфіі, фальклору і рамёстваў Гродзенскага раённага культурна-інфармацыйнага цэнтра. Народныя ўмельцы прадэманструюць розныя тэхнікі роспісу і дэкарыравання велікодных яек, у тым ліку і знакамітую сапоцкінскую пісанку. 

На працягу ўсяго свята будуць працаваць інтэрактыўная пляцоўка “Святочны арт-дворык” і літаратурная “Велікодная вясёлка”. Гасцям свята прапануюць паўдзельнічаць у дэкарыраванні і афармленні святочнага дрэва яйкамі-сувенірамі, зрабіць фотаздымкі каля тэматычнай фотазоны, пагуляць ў “Велікодныя забавы” на гульнёвай і станцаваць па-даўнейшаму на танцавальнай пляцоўках. Да таго ж каля Сапоцкінскага культурна-турыстычнага цэнтра 8 красавіка можна будзе прайсці занімальны квэст “У госці да пасхальнага кроліка”. 

Кожны жадаючы зможа стаць удзельнікам экскурсіі па музею пісанкі. А ў Сапоцкінскім культурна-турыстычным цэнтры калектывы аматарскай творчасці ўстаноў культуры Гродзенскага раёна пацешаць прысутных святочнымі канцэртнымі праграмамі. 

Урачыстае адкрыццё свята адбудзецца ў 14.00, канцэрт пачнецца ў 15.00. 

“Гродзенская праўда”

16.06.2019
BYN
1 EUR
2.3307
1 USD
2.0655
10 PLN
5.4696
18 — 26°C

+375

220V / 50 Hz

+03:00 (Europe/Moscow)